為蕃茄湯平反









一向唔多鍾意太茄既野，所以連羅宋湯都免得就免(皇后餐廳既出品係一個例外)。

下午約左卡生去佢地頭深水埗食晏。佢帶左去「維記」隔離舖，一間叫「口福」食茄湯米線既地方。之前響佢個blog度見過雜菜湯飯賣相唔差，所以我今次捨米線點左個五香牛蹍鮮茄湯飯。
卡生點既魚尾鮮茄湯飯似乎好有份量，但怕腥，唔敢試。

茄湯底唔太酸，好味。碗飯頗大，好彩湯飯無米線咁飽肚。

譚仔米線既另一個好介紹。