查家宅的Visa

朝早拿拿臨閃返屋企囉埋護照同bank statement，返工又拿拿臨清埋d debit notes，趕頭趕命11am飛的去銅鑼灣Sino Plaza 3樓既土耳其辦事處申請十月去Istanbul開會既簽證。

哇，持有加拿大護照，個visa申請表都4頁長；除左公司信外，又要出示過去3個月糧單，銀行存款證明，填寫自己父母兄弟姓名，宣誓有無配偶，學歷背景同工作背景......真係見工既CV都無咁詳細。

大佬，你慌我手持加拿大護照，會去土耳其賴死唔走做黑工咩？

個office極細，得3張凳，好彩亦無人排，20分鐘內攪掂，星期五有得囉。

仲趕得切去轉灣既「澳門茶餐廳」12點前食個醒晨葡式早餐添。