上海返港要10小時？

係，真係辛苦過上次歐洲飛返黎。

話說個會11點多就開完，我連下午安排左去周莊水鄉參觀都唔去，一心諗住早d返香港，或者趕得切同阿烏食個飯。結果人算不如天算，由蘇州坐左兩個小時limosine去到浦東機場，港龍下午班班機都overbook!!

2:30pm到機場，自己班機8:30pm，嘗試等左個多小時standby早d既機位，都覺希望渺茫。眼見check-in counter開始大排長龍兼有d淪陷feel，咪喇，寧願早d投降，照原定班機check-in，都好過戇居居響外面同人迫多幾粒鐘。頂，淨係check-in都又再排左個幾鐘。

入到去等左數小時，食左碗得個辣字既牛肉麵同唔凍啤酒，黑到連自己班機都delay到9:30pm；港龍甚至要派餐券比我地。剛好撞到韓國兩個同事(佢地仲要係去埋周莊趕到出黎，怒爆)，把心一橫用左張券請佢地飲生啤；兼夾講吓d國際是非。

到港都過左午夜，踏入家門係一點多........對浦東簡直留下陰影。