大蝦細

早兩日我第一次連5歲細路都凶!!

話說新都城既電梯有個修正function：如果按錯樓層，可以點擊兩次令該層數取消。

當時電梯內，得我同一個菲傭加其手抱細路。個死靚仔自己就住40幾樓，猛用手指篤我按左既34樓個掣。菲傭都有開聲叫佢唔好咁曳，當然少主人啋佢都傻當聽唔到。

我都忍左佢十幾層樓，心諗：你條死仔按熄左個掣，我仲駛出既？

終於忍唔住，面略提高20度比個朝天鼻三白眼look，聲線平版地問個細路："你無野呀？"

靚仔當堂一呆，兼擘大個口；菲傭則抱緊個少爺仔，好似當我係黑社會恐嚇咁。

哈，蝦咁細既細路，我都係第一次。