「求婚」中訊息

鍾意日劇既原因，除左佢地比較大膽地用新題材外，就係不時戲中會有令人反思既情節。

「求婚大作戰」乍看係一套時空交錯式追女仔小品，但裡面有兩句對白絕對令人深思(仲要讀出黎押晒韻至抵死)：

明日やろうバカやろう

女主角爺爺既名句，意指：說「明天才做」的是笨蛋(即想做就去做,不要一直等待)

爺爺探完孫女回鄉，遺漏爺孫影既大頭貼，孫女本想過年回鄉時至帶返比爺爺，但男主角由未來得知爺爺回鄉不久就過世，根本等唔到；想起爺爺時時掛在咀邊既"明日やろうバカやろう"，迫女主角追出去車站對爺爺道出心底話，免卻將來遺憾。

だめもとで、失敗してもたり前、成功したら男前

就算明知失敗也要勇於嘗試。失敗是當然的，成功的話就是男子漢！

跑業務既男主角，無論點落咀頭都看似無法達到當月業績，上司對佢既勉勵。結果當然係抱住"明知失敗也要努力嘗試"既決心，意外地達到銷售指標。

其實就算後期，男主角仍為自己既懦弱，屢次錯失挽救機會而懊惱之際，女主角則欣然接受自己過往既失敗：因為有以往既失敗，才有現在站在這裡的我。

接受自己，勇敢面對將來既一份瀟灑，我覺得係劇中最耀眼既角色。

無線既編劇們，幾時先可以有ｄ胡鬧，爭產，恩怨情仇以外既劇種呀？