無味煲仔飯

天氣轉涼，好想食香噴噴煲仔飯。

返太古坊等卡生9點收工，出銅鑼灣燈籠街「添寶茶餐廳」，門外風涼水冷既"獨立卡位"坐低(當然位置除左正餐外，亦都方便卡生既餐前餐後既"小食")。

蝦餅肉餅加鴛鴦腸煲仔飯，蒜香霸王雞，蒜蓉炒白菜仔，再加3枝唔知邊度進口既「森堡」大啤。雖然口感唔差，但每碟都係犯同樣毛病：唔夠香！

唔得，要再搵間係用碳爐煮既再encore。