大閘生日宴

Mion姐生日，壽星話想食時令既大閘蟹，所以去價錢比較合理既王家沙為佢慶生。

每隻6兩散叫$138，套餐只係$188(6兩大閘蟹一隻，酸辣湯，蟹粉生煎包兩隻，擔擔麵，鴛鴦湯丸，薑茶)，算合理；望落去比搵笨鴻星大隻好多。我就唔多好咁辛苦拆蟹，所以只係叫左兩個一人餐加散叫。

感冒發燒既阿二姍姍來遲，不過佢家陣係我地最忙既一位，到都已經算係咁喇。雖然話病，但講到興起，一樣咁好火。隔離枱有細路既家長，一定比呢兩位粗口橫飛既"aunties"嚇親。