周杰倫/2007世界巡迴演唱會

訂左飛既Charlotte被酒店派去塞班島，所以忍痛割愛讓左張飛比我。

Charlotte，如果你唔想嘔血嘔死既話，勸你唔好再讀落去。

結果我就陪同佢個表妹Karen(5年前連同Charlotte，Shirley一齊去過東京既tripmate)，同佢朋友一齊去紅館睇阿Jay。

哇哇哇，綠區第5行，雖然係側台，但超近。好多moment周董甚至有行過黎對住我地唱，真係連汗水都睇到呀。當然坐得近既代價係，2/3場都要企起身。

8:30pm-11:15pm，唱足2小時9個字；encore左兩次。

呢條友簡直十八般武藝都出齊：透明鋼琴自彈自唱(近排超鍾意既"蒲公英的約定")，同宇豪重現電影內鬥琴片段，中國雜耍(用繩索黎拋壺)，jam鼓，結他，耍雙節棍，用古箏(你無睇錯)彈左足足半首"髮如雪"，仲出埋花甲外婆上台跳左part舞。

嘉賓晚晚唔同，今晚係Charlotte同表妹Karen都超愛既柯有倫。

阿Jay真係超型，才華大晒。大家都跳得超high，前面班友跟住佢跳足成首歌，連個台都震。