半燶燒鳥做宵夜
雖然食完晚飯短短一個鐘，但本住過黎溫泉玩，無理由唔出去食宵夜既心態下，大家雖然唔餓，都9pm落樓下搵食。

附近有小型既拉麵店，卡拉OK，酒吧等；我地摸到入一間“やきとり橫丁”，專食“燒鳥”(即燒雞串)既。

比左間半開放和式個室比我地席地而坐。雖然入去時大家都話唔餓，但就叫到好似食正餐咁：燒雞肉，燒雞翼，雞軟骨，牛舌，大蝦，牛油炒露筍，日式炒麵。









雖然樣樣都醃得好入味，但唔知是否一腳踢既老板娘不時要出出入入招呼客人，所以雞串同雞翼都頗燶。