Scottish Shortbread

晚飯時剛睇到陶傑既「細說名城」介紹蘇格蘭愛丁堡，非常吸引。









一直都嚮往去呢個城市，除左當年梁生曾被香港政府派去愛丁堡進修，自小猛同我推介當地夏天一流既風景，同入夜後大到伸手不見五指既古堡酒店外，最吸引我，係整個城市都充滿巫術既傳說；夠鬼異，我鍾意。真羨慕Damon下星期會去呢度除夕倒數，雖然旅費唔平，但氣氛搭救。

當年J.K. Rowling都係響呢度得到靈感，寫出一系列既Harry Potter小說。









當佢介紹到製造當地聞名既Scottish Shortbread時，我真係有ｄ吞口水架。自中學生時代後，都無掂過呢款勁牛油，肥死人不賠命既餅乾。

剛才返到黎屋企樓下，真係有入惠康嘗試去搵；好彩佢無入呢款餅，救我賤命.....近排唔可以入馬莎，真係會忍唔住誘惑架。