邊爐替身：囍宴品味

本來約左卡生打邊爐，但剛剛先開番聲，唔敢再以身犯險；所以響我強烈要求"No lamb, no hot pot!!"既情況下，揀左去G.O.D.樓上既囍宴品味。

雖然星期二晚，但座無虛席。

已經儘量叫d無咁刺激既菜：話梅貴妃雞，麵豉醬煎銀雪魚，麻醬原個溫室蕃茄，蒜蓉炒雜菜......可能唯一比較合卡生口味既係佢點既紅油抄手。飲品亦都捨酒精，乖乖地叫左杯凍雪梨紅棗蜜。









最敗筆係個銀雪魚，唔香脆之餘，仲勁重雪藏味。

呢度甜品選擇多過主菜，就算飽都口痕點個香濃咖啡凍配牛奶雪糕；份量頗大，兩個人share都夠。

明知今晚叫既野完全唔合卡生食慣濃味既胃口，但病人大晒，好番先陪你去打邊爐啦。