充當Promoter

星期一同今晚放工後都到旺角雅蘭中心同個醫療診合辦既心臟健康講座幫手。地方細細，只容納到40人；不過可以比我地放cash counter賣貨確係吸引。












搵到個斯斯文文既心臟科李醫生講書，事後為左唔想班客一窩風閃人，唯有使出留客絕招：提供免費即時膽固醇測試。
我就當然負責soft sell Centrum優點，經我手共賣左4盒，都算係咁啦。

今晚班客踴躍發問，加上測試須時，成9點先收得工。
本約左卡生旺角晚飯，點知佢比我更夜；結果返太古城等埋佢10點收工，先過隔壁澳門茶餐廳整個二人餐。唔知是否太耐無黎，總覺得銅鑼灣店好味好多。