潛水鐘與蝴蝶
幾年前因為言生推介，所以買左此書既中文版。雖然薄薄一本，硬係無心機睇，結果而家仍然塞響公司櫃內。

發現此自傳式故事搬左上大銀幕，雖然係法文片，但撼低「色、戒」奪兩項金球獎；可惜只係少數3間冷門戲院播，所以約左Annie 9:15am去Palace IFC睇早場。



改編自時裝雜誌【ELLE】總編輯Jean-Dominique Bauby的感動傳記，他於一次嚴重中風後甦醒過來，全身癱瘓，只能眨動一隻眼睛與他人溝通。Bauby卻沒有被命運作弄而死氣沉沉，相反，他決定注書立說，每天努力不懈轉動單眼讓身邊人把字母逐個記下，細膩地撰寫大病期間的一切經歷，更成功令讀者窺探其內心世界，用文字流芳萬世，真摰動容幽默有致。Bauby的意志力委實驚人，他利用無盡止生命動力，將自己比喻為海底下的潛水鐘，歇盡力氣擺脫困鎖，像蝴蝶般在人生航道上自由飛舞。








以為會催淚，但意外地唔太煽情；而且用主角癱瘓在床既第一身所看所聞，加插佢自己既回憶及天馬行空既想像，令觀眾更容易代入一個思絮健全，但被困在植物人身體既無助感。

透過真人真事既敘述，教人珍惜身邊人；平淡回憶反而令人感動，好戲一套。

註：此書出版後兩日，作者就與世長辭；由中風至離開，只活左短短一年多，好似就係為左完成呢本自傳般。