一年一度維園年宵

得9度加上毛毛雨，天氣特別寒；如果唔係約左兩位Annie 3am行維園年宵，真係唔願半夜扒起身。

今年可能經濟好，我地到步已經見年花竟然賣得七七八八；甚至有d正準備收舖。既然Annie Lam首要任務係買棵桃花，為免行完乾貨返轉頭買唔到，所以第一件事$80買左捧住行。

中途不時落微雨，如果唔係人多，真係好鬼凍架。

Debbie叫左我今年唔好買咁多無謂野返公司堆，所以我行左兩小時空手而回。唯一功用係當佢地兩條女繼續迫入去揀花時，我幫手企響外面捧住棵大桃花。

6am仍然按照"傳統"，到「澳門茶餐廳」食個靚靚早餐至打道回府。