魔街理髮師
之前聽阿二講過呢套戲頗正，海報既黑暗鬼異feel亦都幾吸引，所以約左卡生2:50pm去UA朗豪坊過年前睇呢套驚慄音樂劇。

其實一向唔多鍾意Johnny Depp，亦都唔明點解會有人覺得佢靚仔。女主角同男配角都係Harry Potter內人物：Lady Lestrange (Helena Bonham Carter) & Professor Snape (Alan Rickman)。

雖然大部份對白都係唱出黎，各主角配角唱功都不俗；不過卡生認為音樂唔動聽係一敗筆；其實我覺得係因為坐另外隔離位仁兄重傷風，令到一向歧視病人既佢心理受嚴重威脅，所以無法細心欣賞此片。

當然極度黑暗血腥係呢套片既另一特色。


















講述由Johnny Depp飾演的Sweeney Todd，遭人陷害被關進獄中，飽受摧殘，其妻子及女兒更遭不幸。他出獄後誓報冤仇，成為詭異神秘的理髮師，假理髮之名，冷血剃殺仇人。Johnny Depp的復仇拍檔Helena Bonham Carter更將收害者屍體泡製令人大吃一驚的神秘「肉批」.......

歌舞片既鬼佬"人肉叉燒包"，夠創意。如果唔怕血同戲中角食活死人般白面，值得入場一看。