又一徙錢之作

經過尋日"仆街"事件後，我堅持梁師奶就算平時唔開機都應該帶電話跟身，以備不時之需。

既然佢嫌我數年前買比佢既Nokia大部，好，同卡生行過隔離鴨寮街買左部簡單Motorola摺機比佢。

只可打出打入無相機呢d絕版電話只售$560; 因為係買比梁師奶，所以捨黑銀，揀左桃紅色。點知......佢見到部機就話Motorola幅射較強，而且睇落部舊既Nokia仲輕，問我可否退左佢！

真係比佢吹漲！似乎買親野比梁師奶都無乜好結果，邊有仔女送野比父母次次都會送得咁谷氣架？