正大廣場，浦東

下午optional參觀蘇州廠，我去過咁多次當然咪預我啦。利用一個free afternoon返上海office同阿John discuss下星期交既Strategic Plan。傾完立刻閃人，費事比佢捉住食飯。

既然晚飯自己攪掂，步行十分鐘，到附近一個名為正大廣場既shopping mall搵食。呢度係上次同鬼佬老細唱K既商場，位於東方明珠塔旁。

食乜野？哇哈哈哈哈，新開張既「鼎泰豐」！(當阿John簽我份expense report時，一定會諗：你怎麼比我還"台"耶！)

我都有d佩服自己，一條女清左：一客小籠包(6隻)$33，紅燒牛肉麵$47，同一碟清炒豆苗$38。本來見有刨冰都想留肚，但真係無能為力啦。小籠包有本店既水準，但碗麵就強差人意，牛唔係用牛腱肉，麵亦都係用上海幼麵。

價錢唔平，但裝修光猛感覺乾淨；牆上更有香港明星肖像畫，特別得黎有ｄ畸哩(乜鼎泰豐唔係台灣野黎架咩？！)