踩場

早幾日Annie來電，話電器道AIA大廈後面過年前新開左間Henry's Kitchen，佢朋友Ruby家陣響度打工，話食物味道幾掂云云........囑咐我呢個街坊兼"飲食男女"記者得閒去踩踩場，響個blog度寫食評。

哈，真係當我係阿蘇咩!!!!

做完facial經過，就入去黎個set lunch探一探虛實。

Ruby當年同我係萍水相逢既追旭"朋友"；幾年無見，估唔到唔追星既佢，做起waitress黎感覺都幾pro。

地方細細，裝修係一般商業區西餐廳格局。Set lunch $68亦都同灣仔老銅差不多。

初頭餐湯同蒜蓉包份量好細，點知個紅酒汁燴牛尾飯就大碟到我咁擦得都食唔晒。味道未至於有驚喜，但牛尾炆得頗稔，個汁都夠濃夠味。不過個咖啡雖然望落去似即磨，但就欠香味。

無Annie形容得咁貴；下午簡直其門如市，有人等位添。A la carte menu屬中價，要響炮台山呢d入夜後既住宅區target中產人士，味道真係要靠口碑喇。