好兆頭

以前集成時期年年都新年開花既鐵樹，自搬左黎太古坊之後就無再開過。

今日放完年假一返工，就赫然發現出左個花芯!!!

Michael立刻話：今年一定到數。

以往洗杯阿嬸一見我棵鐵樹開花，就幫我去香燭舖買釵花掛紅既用品(即一條紅色的布和一對釵花掛上鐵樹)；因為老人家話如果命唔夠硬，鐵樹開花會受唔起喎。

既然難得佢事隔4年都"孤木逢春"，我就老遠行去街市香燭舖整pack釵花掛紅套餐黎招乎佢啦。