維記

聽過好多次，但因卡生唔多欣賞兼永遠門外大排長龍，所以去過深水埗幾次都無食過。

今日為左一試連賀小美訪港，無線都帶佢黎食既香港特色食品，所以12:30pm早少少同卡生排隊入內探個究竟。好彩早d黎，只係等左5分鐘就有位。

既然豬潤同牛肉都出名，一於整個潤牛通。

$21一碗唔算大碗，而且面浮著豬潤既血水，賣相唔多吸引。不過豬潤薄切同牛肉既口感比想像中出色，而且湯底夠鮮味；並唔係卡生形容得咁唔掂。

今年清明拜完山可能會的梁師奶黎試。