綠揚邨新址

今日整day都忙改數。財爺Ivan終於都有時間睇條數，佢電話落黎第一句就呻：我就黎死喇。我馬上接口：Me TOO!!!
所以放工後既小型廖太聚會，成為我期待既節目。

搬左上世貿11樓佔據整層既綠揚邨，有d hip hotel feel。加埋個無敵煙花景，位置同座位闊落程度真係無可挑剔。












食物質數依舊無complain，上海新年至有既塌菜都係第一次食，梅菜包更加係必點項目。本來想試試個甜品"棗香合桃包"，不過原來要預訂。因為奶奶face夠送甜品，兼信用卡88折，每人$140落樓唔算太貴。
雖然今晚只係人少少，但由酒店鬼故到產房實錄，我地一樣旁若無人地高談闊論。當我大大聲叫阿二帶埋d用過既姨媽巾，月中去東京酒店辟邪，可能嚇親附近班叔台添，哈哈。