登頭條呃人？

今個月藥房藥行做緊"買兩枝「善存」加$10換購「佳存」純鈣片價值$158"。
聽落當然抵，但事先早幾個星期已經交帶裕利d行街要通知班藥房佬呢個推廣。結果自上星期四出左幾期廣告，查詢電話日日都有。d客覺得吸引固然好，但亦都有唔少係話去到間藥房話無此優惠；甚至有個舖家"窒"番個客：邊有d咁筍既野架？

雖然香港地咁多藥房，通知漏或舖內溝通不足都預左會有甩漏，但甩漏太多，就算我地唔介意比人話，個客都覺得我地混亂啦。

尋日Debbie就被個客質疑：乜你地出錢登頭條(日報)呃人呀？