Hip Sushi

同臣哥補祝生日(但唔知點解反而係佢請客)，經佢推介試左世貿中心1/F既Hip Sushi。

因為之前響Sogo買電腦袋同travel suitcase擾攘左好耐(條友三心兩意，見異思遷之故)，坐低Hip Sushi bar枱醫肚都9pm；極餓既情況下點菜永遠都眼闊肚窄。兩個人怒點左廿碟壽司刺身外加清酒，連個侍應都忍唔住提醒"每碟係兩件架"，覺得我地好似放監出黎咁。

壽司唔係太大件，但非常新鮮。兩個人咁食法都係$600落樓，唔算好貴。

不過臣哥前前後後問左我十多次覺得呢間野得唔得，同一個答案答左十次，著實有點煩。哈哈，到底係我答"好新鮮"時，語氣比人感覺敷衍，定係佢認為要問咁多次，先確定到人家答既係真心話？唔怪得知Debbie同Kerry去年底裕利晚飯時比佢煩得要死，叫我去"的"走佢啦；哈哈哈哈哈。