當Ophelia遇上烏烏.....

同係愛狗之人既Ophelia，一直都話要入黎寶琳探烏烏。既然梁師奶今晚又飛甩我，索性推佢架烈火戰車，帶埋個皇帝仔落樓下商場既「香辣屋」 晚飯。

比起上次同廖太們去「客家好棧 」，今次佢都算合作啦，完全無吠。而且臨尾仲成條毛巾咁笪落Ophe既大腿上，任你搓圓拑扁。

呢間餐廳有度好，就係外面商場位置都有幾張枱；就算明文規定唔帶得入去，坐外面就通常可以通容。

兩條女無叫套餐，不過碟頭唔細，結果都食唔晒：越式炒椰菜苗，香芒大蝦檬粉沙律，軟殼蟹米紙卷，大蝦冬蔭公湯，同椰汁雞湯。

飯後推車逛左兩轉商場先打道回府。烏烏今晚過足引頭啦，幾大面有個姐姐老遠入黎睇你喎。