地瓜粥宵夜

我地響「牛角」 燒肉既晚飯特登留力，返酒店歇一歇9:30pm再出動去大安區宵夜。

於大安捷運站出黎兩個街口，復興南路二段有幾間24小時既宵夜店。聽奶奶講，當年黎出差，好多音樂人收工後到會黎醫肚。

地瓜粥其實即係白粥加番薯，簡單但幾清甜；尤其係食完濃味既日韓式烤肉之後。

配菜種類多不勝數，好有潮式打冷feel。台灣獨有既"麻油川七"好特別，佢地問我咩味道，我只可以話好難形容，自己品嚐啦；硬要講既話，就係綠葉菜外貌，海帶既口感。

飯後我地同"飛落海"粉絲Josephine講，附近既大安公園藍球場，深夜好多明星打波，周董言生小豬甚至佢honey"尊尊"......如果有人陪佢癲，佢真係會入去睇波架。