金鋒靚靚粥麵

比上星期"飲食男女"既專題報導吸引，今朝冒大雨8am就約左阿YY到鰂魚涌水族館商場旁既「金鋒」食早餐；真係有夠癲。

呢間食晏時間永遠人山人海既排隊舖，出名既係其靚瑤柱白粥($10)，同埋即製滑溜腸粉；朝早更有煲到溶晒既白果粥($6)。

從未食過白果粥既我，當然要點黎試試。外加炸兩同炒麵送粥。

哇哇哇，果然名不虛傳；白果粥底頗綿同埋煲到有白果既淡黃色，炸兩內脆外滑，熟平價高水準作。

結果我就充當埋外埋阿四，打包5碗白果粥4碟炸兩/蝦米/齋腸，奇人奇技地大雨中一手大抽細抽，一手擔遮返公司孝敬班同事。