飛蚊陪食麻辣火鍋

晚上9點多中央圖書館Health Talk幫完手，就飛的去深水埗搵阿卡生打宵夜邊爐。

地點係之前黎食過鮮茄湯飯既 「口福小廚」，估唔到夜晚連火鍋都做埋。

麻辣湯底大大鍋，中辣但幾香。除左大路野如白菜生菜芝心魚蛋外，墨魚滑九肚魚，同花雕牛肉片都算新鮮；後者經麻辣湯底既洗禮，都保留到花雕味，利害！

不過最意外係街外飛入黎大量飛蚊；可能近排頻頻大雨，舖內燈火通明吸引佢地飛晒入黎。雖然我唔怕小昆蟲，但佢地不時空降落黎又間歇地著陸食物上，實在幾滋擾。

冬天黎食相信會舒服ｄ。