天子宴歡送"FA"妹

離左職個多星期既Martha，今晚先夾得岩時間大家同佢黎個歡送宴。

自上次同廖太們黎食過$1388"天子宴"，證實迎囍仍然保持到水準後，就黎個encore恭請天子黎歡送呢位為公司辛勞左6-7年既伙伴。

Sinmei同Kerry更帶埋另一半出席贈慶，湊夠12人岩岩好。

呢個餐對我當然無新意，但對第一次黎既Sinmei & Kerry，都不約而同對條蒸得恰到好處既大東星讚不絕口。

好耐無試過咁齊人成班同事出黎晚飯，就算遲些Martha個肚再大d，大不了就佢去沙田食飯，等佢無藉口唔出黎；哈哈。