秘製沙薑雞

呢間極隱敝既志佳美食坊，位於公司樓下海光街橫巷內；如果唔係早前陪臣哥落黎late lunch，真係唔會留意有呢間野。

好野自然要介紹比班同事，所以呢兩日既lunch都係落黎食佢既招牌"沙薑雞"；唔太鹹，而且雞肉勁滑。

奇就奇在並無貼於牆上特別推介，但好多熟客都會知定叫沙薑雞脾飯；佢既飯加埋甜豉油真係有d食粽feel。我就試試新配搭，棄飯點印尼撈麵(即Connie以前推介過既"Mi Goreng"即食撈麵)；比丁麵彈牙，而且味精粉........雖然唔健康，但惹味。