心理陰影

步入中年，六歲既烏烏，尋日被梁師奶帶落樓下獸醫度抽血做體檢，內裡一切正常只係醫生吩咐要減少少肥因為連腰都無埋；但就要book下星期落麻醉洗牙，順便攪掂埋肚上小腸氣。

一聽到下星期要捱一刀，今日馬上變身自閉悶狗。

但頸上尋日抽血位置仍然頗紅，所以都係打電話去defer個手術預約到月底，等佢生番d新毛毛先；否則術後帶3星期太空頭罩，怕磨擦到佢層皮。

梁師奶當住阿烏面前打電話比clinic，毫不畏言連自己都鬆一口氣；果然有其母必有其子。