Swiss Chalet

卡生牛一，一晚走三場。

正餐係主角點選既fondue。香港食瑞士火鍋既地方唔多，所以走左去尖沙咀內街，赫德道既瑞士餐廳Swiss Chalet。

門面及內裡裝修頗有瑞士小木屋風，不過最攪野係餐牌上竟有"Fondue Chinoise"即中式邊爐......傻既咩，要打都去小肥羊啦。

叫左個"農夫芝士火鍋配牛柳粒跟法包"，芝士香但唔夠酒味，跟當年畢業後回港前同Gigi, Tina幾個好友去滿地可食既差好遠；牛柳粒熟上，雖然有ｄ怪但味道唔錯。個鍋唔大，芝士亦唔夠多，所以未食晒ｄ配料個鍋都見底喇。

另一碟係兔仔扒，食落真係同雞肉一模一樣，無甚特別。

雖然地點隔涉，都全店滿座。老板係個瑞士肥佬，但港化到問我地兔扒配菜要唔要"白菜麵筋餃"，救命！