換換口味飲中茶
就黎出發去旅行既Connie同奶奶，襯長週末約埋廖太們出黎tea；換一換口味，去阿二推介既時代廣場隔離，紫星軒黎個中式下午茶。

Annie隻10歲史納莎辛苦左兩星期，終於今朝黑雨下因為嚴重內出血走左；明知佢茶飯不思，但都拉埋佢出黎散散心。

點心紙簡直花多眼亂，而且好多新款式：
千絲魚柳卷，香汁燒鰻魚，涼拌梅子涼瓜(切得極薄)，香麻土豆絲，招牌炸豆腐，陳醋拍青瓜，杏香紅棗糕，螺肉餃，水晶珠雪映榴槤(得Jeffrey夠膽試)，紅米帶子腸，姬松茸鍋貼，迷你潮式糖醋麵......七隻蝗蟲橫掃27碟!!
結果hea到酒樓set up婚宴，背後開左兩枱麻雀人家親友開始打牌我地先收到部長既"溫馨提示"要埋單。