Ad Hoc蝙蝠俠
留響公司8-9pm同美國班老細有個2008 BE既webex，咁岩忽然收到廣告公司Ebby既call話今晚有《蝙蝠俠:黑夜之神》首影戲飛，好彩個會無overrun，9pm一收檔飛的士出銅鑼灣JP睇9:45pm。

呢場首影係NOW TV包場請廣告公司同客戶睇，入場每人都有細爆谷同汽水添；聽個NOW高層講左5分鐘開場白賣一賣廣告就開show。

整整兩個多小時可以話無乜冷場，不過初頭一句："買Made in China手槍殺唔死人，要殺就買Made in US既"真係唔多岩聽，公然貶低中國貨。

香港取境部份得十分鐘左右，陳冠希更加只係朦朧三數秒鏡頭一閃即逝。









阿丁既至愛之一，早前死左既斷背"小丑"希夫列格真係比主角蝙蝠還搶，唔知佢死時到底拍完未呢？否則係剪接定係有替身幫佢埋尾？

結局扒樣女主角要死，蝙蝠英雄慘食死貓要著草，真係好另類；唔知是否下一集既引子。