Thai Perfect

呢排下午一到食晏就落雨，卡生公司附近坐得舒服既選擇唔多，所以約食晏不如出黎晚飯好過。

本來想返兜金百利中心「德家」 食燒肉，但結果被隔離泰國餐廳"Thai Perfect"裝修吸引，決定試試新野。

門口有架搶眼既"篤篤"，附近有幾張枱如置身山洞內添；就連廁所指示牌都好有泰國味道。最殺風景係有兩個播MV既投射螢幕，太過酒廊feel。

食物只可用"不過不失"黎形容：軟殼蟹卷，泰式炒椰菜苗，清邁叻沙米線，紅咖哩鴨胸；$188一枝House White又唔係貴喎。

最敗筆係中途有幾個賓賓出黎獻唱，聲浪大到差不多要讀唇；同泰國菜館好格格不入。