黎北角朝聖

上星期巢大小姐托我搵既韓劇DVD"魔女遊戲"無貨，所以今個週末再黎食多次晏，甚至移師過黎北角食，飯後可以帶佢地直接去朝聖。

去邊度食？唔難估啦：老好飯堂，城市花園「順壽司」。

如果好煲劇者，「仙樂」真係一個聖地；貨夠齊，價錢超級公道。巢大小姐結果都只係買一套韓劇咁大把，Carol見人迫迫無心機揀既情況下，好徙料地只係買左套韓國電影。反而我就買多六套新一季日劇，打包回家。

日劇庫存咁充足，真係長睇長有。

飯後一齊過寶琳，等巢大小姐再嘗放狗樂；哈，佢今次比烏烏拖住跑，順便幫佢做帶氧運動添！