我在墾丁天氣晴

本來無留意呢套台劇，係公司靚妹Kerry極力推薦下，去「仙樂」以$10將廿集DVD捧回梁師奶家狂追。









襯今日師奶一整天跟教會去旅行，做dog-sitter，就一口氣煲埋餘下既十集。

整套戲九成都係墾丁取景，滿滿既陽光沙灘滑浪，頗有日劇"Beach Boys" feel。

男主角之一既阮經天被前女友大爆性史，更向台灣壹週刊稱被招去墾丁大戰三日三夜，亦都係呢套劇既小插曲。









豆導鈕承澤一貫淡淡哀愁既日劇風格，劇情唔算太拖；比起同業瞿友寧喜歡將低能幻想片段加進佢執導既台劇裡(惡作劇之吻/2吻)，將觀眾智商降低，起碼呢套劇內每個角色都係一個"成年人"。

當然豆導又係一貫慣例自導自演，又係預留一個懶瀟灑既角色比自己，有少少吃不消。