炒埋一碟的韓國燒烤

同美國開完webex之後，join埋卡生約左英國返黎既朋友Louise，同埋佢老友Amy去「金羅寶」食韓燒。原來卡生好似我咁，喜歡將d朋友炒埋一碟一次過見，免得頻頻出街食而至肥。

Louise係英國威爾斯某大學既高級講師，先後去過北京同海南島，家陣黎香港"出trip"作海外函授碩士課程任教。雖然話就話係正港香港人，但口頭禪係："點講呢？"，成餐飯repeat左不下50次。

Amy剛響印度出trip返黎，佢一個單身女仔去印度已經夠勇架啦，仲自己坐個半小時的士去不蕪之地見客，好鬼掂。

食就唔係太多野：雜錦燒肉拼盤，炆牛肋骨煲，蛋煎魚，石頭鍋飯，兩枝韓國酒(春菊同勁咳水feel既梅酒)；反正Amy同Louise都係健談之人，傾偈係主菜，食物只係配角。