特盛3色刨冰(配白蜜)

自從銅鑼灣「麻布茶房」 服務態度急遽下降後，好耐無響香港食過刨冰。

康怡吉之島裝修過後新開左麻布，lunch行過去就有d遠，所以響公司樓下海光街搭免費穿梭巴士5 分鐘即達。

地方好窄，但侍應頗多；最緊要係態度比銅鑼灣店好好多。

為左留肚食甜品，只係點左個五色梅子冷烏龍麵。周刊上coupon附送芥末鮮蘆筍豆腐沙拉添。
甜品出場：哇哇哇，巨型3食冰!! 芝麻草莓抹茶topping，加埋紅豆白玉同鮮奶軟雪糕，頗有台灣既份量。又係叔叔表演5分鐘擺平刨冰既絕技喇。