BBQ chez Gigi

差不多成年未試過BBQ，所以上個月同Gigi聰哥下午茶時夾定時間，一齊響Gigi屋企攪次"藥劑野火樂"。









一早去天后老字號"永成行"買齊三款魷魚(咖哩，沙嗲，椒鹽)，同埋南乳雞翼；Connie再響西苑訂左兩底杞子菊花糕，5點鐘Jeffrey浩浩蕩蕩車我地入去。
本身怕狗既Connie，雖然呢一年被波士train到無咁怕細狗，但Gigi屋企3隻大野都確實令佢卻步；不過欄住晒，所以至敢行埋去近距離觀望。









除左一般既腸仔雞翼羊扒，Gigi仲準備左蒜蓉燒扇貝，酒燒大蜆，同埋不得不點名讚賞既超稔有肉味既安格斯牛(特地去大埔街市某一檔先有此水準)。
班細路就坐住幾架電動警車，單車等喪玩，大人即一件接一件喪食；臨收工時仲隊多個細番薯添。