自由行導遊Part 1

第一次黎香港既上海finance同事Selina，既然人生路不熟，無理由唔盡地主之誼去款待佢。(旅發局真係要扮個"香港好客之道"獎比我)

未夠六點我同余經理就帶佢去鯉魚門食海鮮：避風堂癩尿蝦，白焯蝦，豉椒聖子皇，蒜蓉粉絲蒸扇貝，清蒸貴妃蚌，海鮮豆腐湯；甜品係開邊木瓜半個。

襯時間尚早，飯後帶佢去銅鑼灣由恆隆到Sogo，再掃埋時代廣場。都未夠，再去蘭桂坊兜個圈，感受類似上海新天地但迫好多既熱鬧氣氛，至打道回府。

都算係咁啦，明天繼續......