火車頭越南餐室

早聽過大坑浣紗街呢間餐廳，除左因為老板早前頭陳伶俐傳緋聞外，聞說餐廳本身日日座無虛席。
襯今晚要去中央圖書館health talk幫手，9點多收工行去後面試一試虛實。

好彩比較晚，等幾分鐘就有得入座。餐廳唔算大，但內裡裝修頗骨子，兩旁牆上有行李吊架，刻意扮火車卡。
既然唔常來，當然點選"火車頭招牌湯河"；大大碗$63有生熟牛肉，牛柏葉，牛筋同牛肉孖丸。清湯底頗有牛味，河粉亦非常滑；配料就只係不過不失，牛筋係爽口唔稔既所以有d咬口。值唔值呢個價就見人見志喇。

臨走時撞到何家女婿陳子聰同李燦森等入座，果然係名氣餐廳。