熱爆Promoter

今個週末下午2-4pm出動Centrum巨樽去幫京華屈臣氏個booth宣傳，做個樽就實在太太太太熱，所以我只係充當傍住個樽派傳單既promoter。

三十多度烈日當空，都咪話唔辛苦。但離開個booth企響有陰既地方派，效果減半；所以硬著頭皮頂住。真係難為扮樽位哥哥仔，45分鐘先break一break，成頭滴得水出好似剛游完水咁。

唔少細路都走埋黎摸摸個樽甚至影相；撞埋卡生既朋友Amy，當然佢都唔放過個樽入埋鏡啦。

無中暑真係萬幸，多得班promoter預備左枝水比我江湖救急，哈哈。