風涼水冷@泰簡單

銅鑼灣地段，又有天台比卡生同露姐兩位煙民，所以預訂室外位置，等佢地唔駛不時輪流出去"呼吸新鮮空氣"。

露姐一貫低胸養眼look，呢個清風送爽秋夜時間剛剛好比佢坐室外行性感，再凍d外套被迫出籠，坐室外食西北風都飽，唔駛食飯。

碟頭大之故，三個人都唔敢放肆地叫：金枕頭(咖哩海鮮釀法包)，咪走雞(冷盤，汁係泰式香葉混和啤酒)，蝦桶，皇帝蝦蛋網炒金邊粉，椰汁煲雞湯，加紅白酒各一。

卡生就不甚欣賞呢度，但我要求低，所以覺得款式同味道都不過不失；唯一難以入口既係個湯，酸辣味蓋過椰子味。