Centrum樽殺入中環

連續兩日，Centrum樽都於下午12-2:30pm午飯人來人往時段，企響中環皇后戲院門前做生招牌。我同余經理，再加裕利兩個trade sales拋頭露面地派Centrum$10優惠卡。

中環當然聚集左好多"高質數"potential客，但亦相對地高竇；加上齋派卡而無贈品，就令"甩手"律增加唔少難度。

比起兩位毫無面部表情既裕利sales，我同余經理相對賣力好多；我就強迫自己面上掛住笑容同要有eye-contact，咁人地就算唔接都會望多兩眼兼會微笑搖頭示意，余經理即逢人都開口"善存維他命"。反而做樽位小弟弟就每隔20分鐘唔係要飲水就係休息抹汗，或者借成15分鐘尿遁，迫我地下星期工展會去銅鑼灣扮樽要換人。

派剩好多優惠卡，多得余經理臨時物識到兩檔報紙檔收錢幫我地聽日開始跟報紙雜誌送，不失為另類而有效既方法；簡直要向余經理至敬。