聖誕燈飾：Roppongi Hills

距離Midtown兩三條街之隔，就係我既至愛聖誕燈地點：藍白細燈泡火樹銀花既Roppongi Hills。

Hills大廈同去年一樣，圓筒型既玻璃牆變身成一個巨型郵筒；鼓勵人們多寄聖誕/年賀郵，圖破健力士既紀錄。

中庭大蜘蛛屹立於紅黃燈泡中，顯得有點格格不入。隔離有個仿德國式既聖誕市集，一排排既木造攤檔，積木士兵，用熱力推動既木製風車，令到六本木呢個型格地標變身成德國紐倫堡聖誕市集般。

適逢今年係東京鐵塔50週年，所以遙望到既Tokyo Tower，整點時間會由原來既橙紅色變成紫藍彩色。但比起巴黎鐵塔整點既銀色閃爍，效果仍然差一截。