溫泉旅館之二：娘爆Hotel瑞鳳

到達秋保溫泉，先發現附近既景點秋保大瀑布甚難前往，所以響門口既山溪影左兩張相就打道回府；完全唔浸溫泉既Josephine一定悶爆。

一入酒店，哇哇哇，心內大叫"Oh My God!!"，真係娘爆。放眼所及，鮮紅，大花，龍鳳......將"娘"呢個元素發揮至淋漓盡致。

唔通娘既終極，就係潮？

一群群加埋都成千歲既耆英團，俯拾皆是。而且阿嫵同阿伯既比例係9:1，唔通d男人真係咁早死？

其實娘歸娘，間酒店都算係幾另類既grand；連電梯門每層都漆上唔同既和式花。不過呢個trip既幾間溫泉酒店，數呢家既露天風呂最多花慎，連仿唐代楊貴妃既華清池企住黎浸，1.3米深既溫泉都有。