燒肉清香苑

響新宿血拼左一整天，大家都放低唔少銀兩；返到酒店unload再出黎食晚飯都差不多10pm。

此行和牛蟹腳魚生都食過，唯獨係無食過"燒肉"；可惜新宿並無「牛角」，於是撞上去酒店附近2/F呢間「燒肉清香苑」一試。

店舖門面唔算大，但擠滿唔少上班族。日式燒肉多數都係用炭火燒烤，特別香口。大家都不約而同好似小學生咁帶住紙製"口水肩"，免得被醬汁彈到。

先黎個清香兼底有果肉既白桃Sour(500 yen)。

人氣燒肉拼盤(3400 yen)，特價黑豚肉排(1500yen)

大蝦，石頭飯，海鮮鐵板煎餅，涼麵.......

雖然Connie話涼麵加左泡菜唔多正宗，但材料新鮮，配以清淡既白桃汁左料黎點，減低燒烤既油膩感。