蒙面簽唱會

林依晨下午響梁師奶樓下商場攪簽唱會，唔迷佢，但既然咁近，我呢個路人甲無理由唔迫埋去湊熱鬧。

初初見大批媒體做緊訪問，落去食個下午茶再上黎一探究竟；意外地見到佢同個女助手是日都係口罩蒙面黨信徒。

除非佢地兩個大傷風，怕傳染比人啦，呢個情況下我保留罵佢；否則，實在太太太太唔尊重了吧。

途人個個都七嘴八舌話睇鬼到佢個樣咩，後面張backdrop仲清楚。小姐，人地排隊都係想近距離望你本尊，個口罩遮住大半塊面，任你幾笑容可掬都睇唔到啦。