4日台北遊

為左週日既飛輪海演唱會，隔一個月又飛台北去。

聽日一到步就要做人肉速遞，拿6枝Centrum去台灣office。既然上去踩場，當然又帶手信。晚飯後出銅鑼灣新開的「鉅記」買左原粒杏仁餅，合桃餅及黑芝麻糖。

週六舊老細阿John更好好人地offer車我去宜蘭遊玩。平時宜蘭坐車比較遠，自己同廖太黎想去都唔容易，既然有人車，當然卻之不躬啦。諗無可諗，去馬會買左set「馬會125週年記念馬票」比佢；祝佢好運，話唔定11月15日後，佢飛過黎領百萬獎金。

週日既小巨蛋演唱會，下午4pm台灣觀光局就每位海外觀眾派發"飛輪海悠遊卡"，限量3000套，希望排得到啦。