喜多郎絲路傳奇









一個月前阿丁發現有喜多郎演奏會，雖然我唔係fans，但唔抗拒。約埋奶奶今晚放工到沙田大會堂聽呢個"絲綢之路藝術節"既重頭節目。

格林美及金球獎得主、殿堂級音樂大師喜多郎，一個代表絲路和新紀元音樂的文化符號，將與五位頂尖演奏家演出《喜多郎絲路傳奇》，獻上以絲路為主題的經典樂曲及全新作品。






















買既係最貴既$420門票，坐大堂正中。前面坐著盧冠庭兩公婆，開場前都見黎小田揖讓過黎打招呼。

演奏會當然係佢老人家做膽，拖幾隻玩唔同樂器既腳。

前半段佢主要都係玩digital keyboard；背後一幕幕既絲路風光，好有氣氛。尤其是沙漠入夜後既滿天繁星，同埋奪目既極光，真係想攪個廖太極光之旅。

中場後就已經轉左theme，大玩唔同樂器show quali，而且喪打太鼓，體力少d都打唔響，贏得滿場掌聲雷動。

個show唔錯，但個場地太細，坐凳又硬又窄，同文化中心或香港大會堂無得比。真係生得高d既男士都唔知點捱得完兩個多小時既show。